Sunday, September 5, 2010

शब्दबंध २०१० : वृत्तांत



"शब्दबंध २०१०" ई-सभेमध्ये जवळजवळ सर्व सत्रांमध्ये उपस्थित असलेले जेष्ठ शब्दबंधी श्री. प्रमोद देव यांनी त्यांच्या पूर्वानुभव या ब्लॉगवर या ई-सभेचा आढावा घेतला आहे. त्यांच्या संमतीने तो इथे उतरवत आहे. अभिवाचन व श्रवण सहभाग असलेल्या शब्दबंधींच्या यादीत सुधारणा करण्यात आली आहे याची कृपया नोंद घ्यावी. शब्दबंधींच्या कार्यबाहुल्यामुळे वृत्तांत प्रकाशनाला प्रचंड विलंब झाला त्याबद्दल शब्दबंध व्यवस्थापकीय मंडळ दिलगीर आहे.
-----------------------------------------
होणार, होणार म्हणता म्हणता २०१० च्या शब्दबंधचे ई-संमेलन ५ जून २०१० रोजी पार पडले.
शब्दबंध २००९ च्या आधी जे एक उत्साहाचे वातावरण होते ते ह्यावेळी फारसे जाणवले नाही त्यामुळे ह्या २०१० च्या संमेलनात कसा प्रतिसाद मिळेल ह्याबाबत मी स्वत: साशंक होतो...पण तरीही प्रत्यक्ष संमेलनाच्या वेळी प्रत्येक सत्रात( प्रत्येकी साडेतीन तासांची चार सत्रे) अभिवाचक आणि श्रोत्यांची उपस्थिती लक्षणीय होती. उत्साहाने आपापल्या साहित्याचे वाचन करणारे अभिवाचक आणि दिलखुलास दाद देणारे श्रोते असे एकूण उत्साहाचे वातावरण दिसून येत होते. सकाळी ९ वाजता सुरुवात झालेले हे संमेलन उत्तररात्रीपर्यंत उत्तरोतर रंगतच गेले.

तांत्रिक बाजूंबद्दल बोलायचे झाल्यास....बर्‍याच सदस्यांना आणि श्रोत्यांना अजून स्काईप हे माध्यम नेमके कसे वापरायचे हे नीटसे कळलेले नाहीये. त्यामुळे सत्रसंचालकांना सत्र सुरु करतांना अनंत अडचणी येत होत्या आणि त्यात बराच वेळही वाया जात होता. ह्या इ-संमेलनाआधी सराव सत्र घेऊन सदस्यांना आणि श्रोत्यांना स्काईपबद्दलची पूर्ण माहिती,ध्वनीग्राहक (मायक्रोफोन) जोडणी,देवनागरीतून लेखन करण्यासाठी बरहा आयएमईचा वापर कसा करायचा वगैरे तांत्रिक माहिती पूरवून आम्ही आमच्या परीने खबरदारी घेतलेली होती...पण बरेचजण अशा सराव सत्रांना त्यांच्या त्यांच्या वैयक्तिक कारणांमुळे हजर राहू शकले नाहीत....अशा लोकांच्या आयत्यावेळी येण्यामुळे खूपच गोंधळ उडत होता. तरीही भगीरथ प्रयत्नांनी आम्ही सगळे त्यावर बर्‍यापैकी मात करून संमेलन यशस्वी करू शकलो...हेही नसे थोडके. मात्र एकच सांगतो...सभासदांनी स्काईपचा योग्य वापर कसा करावा....संमेलनाच्या वेळी काय काळजी घ्यावी ह्याबद्दलच्या सूचना नीट समजून घेऊन त्या जर व्यवस्थितपणे अंमलात आणल्या असत्या तर कदाचित वाया गेलेल्या वेळात अजून एखादे सत्र होऊ शकले असते असे अतिशयिक्तीने म्हणावेसे वाटते. असो....

ह्यावेळच्या शब्दबंधमध्ये एकूण ३१ अभिवाचकांनी आपापले साहित्य वाचून दाखवले. कविता, प्रवासवर्णन, कथा, ललित लेखन, माहितीप्रद तसेच ऐतिहासिक महत्वाचे, विनोदी तसेच गंभीर, विचार करायला प्रवृत्त करणारे, करूण, भावूक करणारे असे विविध रसांनी नटलेले साहित्यप्रकार अभिवाचकांनी आपापल्या आवाजात सादर केले.

गेले दोन-अडीच महिने ह्या संमेलनाची तयारी सुरु होती.
ह्यावेळी संमेलनाचा संयोजक होता संग्राम भोसले. त्याला मदतनीस म्हणून मी आणि प्रशांत मनोहर होतो.
सभासदांना सराव सत्रापासूनच मी आणि विनायक रानडे हे तांत्रिक सहकार्य करून त्यांच्या समस्यांचे निराकरण करण्याचा यशस्वी प्रयत्न करत होतो.

ह्या संमेलनात अभिवाचक म्हणून सामील झालेले :

१)संग्राम भोसले (पुणे), २) प्रशांत मनोहर (नागपूर), ३) प्रमोद देव (मुंबई),४) प्रभाकर फडणीस (मुंबई) ५) विनायक रानडे (पुणे), ६) नरेंद्र गोळे (डोंबिवली), ६) जयंत कुलकर्णी (पुणे), ७) आशा जोगळेकर (अमेरिका), ८) श्रीराम पेंडसे (पुणे), ९) संतोष साळुंके (मलेशिया), १०) तुषार जोशी (नागपूर), ११) हर्षा स्वामी (पुणे), १२) अमोल वाघमारे, १३) प्रतिमा मनोहर (नागपूर), १४) विद्याधर भिसे (मुंबई), १५) अमेय धामणकर (ठाणे), १६) राहूल पाटणकर (पुणे), १७) महेंद्र कुलकर्णी (मुंबई), १८) नीलेश गद्रे (ऑस्ट्रेलिया), १९) अपर्णा लळिंगकर (बंगळुरु), २०) मीनल वाशीकर (कोल्हापूर), २१) मीनल गद्रे (अमेरिका), २२) प्राजक्ता पटवर्धन (अमेरिका), २३) हेरंब ओक (अमेरिका), २४) शंतनू देव (कॅनडा), २५) संगीता गोडबोले (अमेरिका), २६) भाग्यश्री सरदेसाई (अमेरिका), २७) नचिकेत कर्वे (अमेरिका), २८) अपर्णा संख्ये (अमेरिका), २९) समीर सामंत (मुंबई) ३०) श्रीकांत शिरभाटे आणि ३१) नंदन होडावदेकर (अमेरिका)

संमेलनात श्रोते म्हणून सामील झालेले....
१) सम्राट फडणीस (ई-सकाळ, पुणे) २) रविंद्र जाधव (मुंबई), ३) आनंद पत्रे (हैद्राबाद), ४) सागर बाहेगव्हाणकर (पुणे), ५) सुरेश पेठे (पुणे), ६) अनिकेत वैद्य (पुणे), ७) प्रशांत काळकर (पुणे) इत्यादि.

खास,संमेलनाच्या वृत्तांत संकलनासाठी ई-सकाळचे सहाय्यक संपादक सम्राट फडणीसही बहुतेक सत्रांमध्ये उपस्थित होते.

Wednesday, June 2, 2010

शब्दबंध २०१० - सत्रांचं वेळापत्रक व सदस्यांची यादी


"शब्दबंध" ही मराठी ब्लॉगकारांची ब्लॉग अभिवाचनाची ई-सभा भारतीय प्रमाणवेळेनुसार शनिवार दि. ५ जून २०१० रोजी सकाळी ९:०० वाजता सुरू होणार असून ६ जून २०१० रोजी पहाटे २:३० वाजेपर्यंत चालेल. सत्रांचं वेळापत्रक व सहभागी सदस्यांची नावं खालीलप्रमाणे:

भारत, शनिवार दि. ५ जून २०१०
सत्र क्र. १ – भारतीय प्रमाणवेळेनुसार सकाळी ९:०० ते दुपारी १२:३०
सहभागी सदस्य:
१. संग्राम भोसले (निमंत्रक, शब्दबंध २०१०)
२. प्रशांत उदय मनोहर - लेखणीतली शाई
३. तुषार जोशी - तुषार जोशी, नागपुर
४. संतोष साळुंके - नवा शिपाई
५. हर्षा - काही मनातलं - तुमच्या नि माझ्यासुद्धा
६. नरेंद्र गोळे - नरेंद्र गोळे
७. श्रीराम पेंडसे - श्रीराम



सत्र क्र. २ – भारतीय प्रमाणवेळेनुसार दुपारी १:३० ते दुपारी ४:३०
सहभागी सदस्य:
१. क्रांती साडेकर
२. प्रभाकर फडणीस - आवडलेली पुस्तके
३. जयंत कुलकर्णी - मराठीतील लेखन-जयंत कुलकर्णी
४. विद्याधर - "बाबा"ची भिंत !
५. पल्लवी - मनातले भाव कवितेच्या रूपात
६. अमेय धामणकर - मदनबाण
७. प्रतिमा मनोहर - मनातलं विश्व
८. जयश्री कुलकर्णी - माझी मी अशी मी
९. लीना मेहेंदळे


सत्र क्र. ३ – भारतीय प्रमाणवेळेनुसार सायंकाळी ५:०० ते रात्रौ ८:००
सहभागी सदस्य:
१. प्रमोद देव - पूर्वानुभव
२. क्रांती साडेकर - अग्निसखा
३. चैताली आहेर - माझ्या कविता
४. विनायक रानडे - विनायक उवाच
५. राघव - कवितांच्या संगतीत
६. हिमांशू डबीर - मनापासून मनापर्यंत
७. निलेश गद्रे - कोहम?


सत्र क्र. ४ – भारतीय प्रमाणवेळेनुसार रात्रौ १०:३० ते रविवार दि. ६, पहाटे २:३०
सहभागी सदस्य:
१. मीनल गद्रे - उर्मी
२. संगीता गोडबोले - कसंकाय
३. प्राजक्ता पटवर्धन - प्राजु
४. अपर्णा - माझिया मना
५. नंदन होडावदेकर - मराठी साहित्य
६. हेरंब - वटवट सत्यवान !!
७. भानस - Sardesais
८. शंतनु देव - मेपलची पाने
. आशा जोगळेकर - झुळुक

धन्यवाद.

-शब्दबंध

Tuesday, March 9, 2010

शब्दबंध २०१० - उद्घोषणा


२००८ मधे १० लोकांनी साकारलेल्या शब्दबंधने मागच्या वर्षी २९ लोकाना सामावून घेतलं! मराठी ब्लॉगर्सच्या या जागतीक ई-सभेचे आयोजन आपण याही वर्षी दिमाखात करणार आहोत. मित्रहो तारखांची नोंद करा - ५ आणि ६ जुन २०१०!
परत एकदा आपण सर्वजण या सभेत भेटायचंय. काही नवे तर काही जुने शब्दबंधी घेऊन यायचंय. जिथे आहात तिथून, थेट सर्वांच्या हृदयापर्यंत पोहोचायचंय. परत एकदा सर्व हौशी मराठी ब्लॉगर्सना त्यांचं लिखाण त्यांच्या थाटात व्यक्त करण्यासाठी हे खास व्यासपीठ सजवायचंय.

मागील वेळेसारखेच, मराठीमध्ये १०० % स्वतःचं लेखन असलेला किमान एक ब्लॉग असलेल्या कुठल्याही ब्लॉगकाराला यात सहभागी होता येईल. या सभेची व्याप्ती अधिकाधिक वाढवणे आणि अधिकाधिक मराठी ब्लॉगर्सना त्यांनी लिहिलेल्या, त्याना आवडणाऱ्या, आणि त्यांच्या लिखाणाचं वाचन करण्यासाठी ई-व्यासपीठ ऊपलब्ध करून देणे हा यावेळीही हेतू आहे. मराठीमधलं लिखाण हा एकच समान दुवा पकडून आपण सर्वजण एकत्र येणार आहोत. प्रवास वर्णनं, अनुभव, कथा, कविता, व्यक्तीचित्रं, लघुनिबंध, तंत्रज्ञान आणि अशाच कित्येक छटांनी सजलेल्या मराठी ब्लॉगविश्वाची छोटीशी झलक आपल्याला या सभेमधे साकार करायचीये. तेही अनौपचारीक पद्धतीने.
सर्वसाधारणतः या सभेचं स्वरूप असं असेल. स्काईप, किंवा तत्सम साधन वापरून, आपण वेगवेगळी सत्रं आयोजीत करू. सहभागी होणाऱ्या सर्व हौशी ब्लॉगर्सना या तंत्राची माहिती सभेच्या आधी करून देण्यात येईल. जपान-ऑस्ट्रेलियापासून ही सभा सुरू होईल. सत्रांची सूत्रं क्रमाक्रमाने पश्चिमेकडे हस्तांतरीत होऊन भारत-आफ़्रिका-युरोप-अमेरिका या क्रमाने अभिवाचनाचं सत्र सुरू राहील.

शब्दबंध-२०१० मधे सहभागी होणं सोपं आहे. सहभाग घेण्यासाठी किंवा केवळ आयोजनामधे मदत करण्यासाठीही, कृपया या फॉर्मवर नोंद करावी -https://spreadsheets.google.com/viewform?formkey=dHhIT3dWN21tYWpDVHo4UG9yMlZycWc6MA. तुमच्याबद्दलची माहिती आणि तुमच्या सहभागाचं स्वरूप आम्हाला या फॉर्मवरून कळेल. सर्व जुन्या आणि नव्या शब्दबंधीनी या फॉर्मवरून नोंद करावी ही विनंती. ईथे नाव नोंदवणाऱ्या सर्वाना आपोआप shabdabandha@googlegroups.com मधे प्रवेश दिला जाईल आणि तिथेच पुढच्या सर्व चर्चा होतील. (तुम्ही आधीपासून जरी shabdabandha@googlegroups.com चे सभासद असाल, तरीसुद्धा शब्दबंध-२०१० मध्ये सहभागासाठी, कृपया फॉर्ममधे नोंद करावी. तसदीबद्दल क्षमस्व.)

लवकरच भेटू. आपली वाट बघतोय.